Киирии

Киирии

Ыам ыйын 31 күнүгэр СӨ Национальнай художественнай түмэлигэр саха биллиилээх поэта, суруйааччы Гавриил Григорьевоич Вешников – Баал Хабырыыс 100 сааһыгар аналлаах ахтыы киэһэтэ ыытыллар. Маны таһынан, бу күн суруйааччы тапталлаах кэргэнэ, РФ Үтүөлээх худуоһунньуга, скульптор Ольга Степановна Скубченко быыстапкатын үөрүүлээх арыллыыта буолар. Бу туһунан НХМ пресс-сулууспата иһитиннэрэр.

Баал Хабырыыс отут сыллаах айар үлэтин устатыгар нууччалыы уонна сахалыы тылынан уонтан тахса кинигэни таһаартарбыта. Кини айар үлэтигэр төрөөбүт дойдуга, ийэ айылҕаҕа уҕараабат таптал, хорсун быһыы, олох туһунан үгүһү хоһуйбута. Ахтыы киэһэтигэр түмэлгэ харалла сытар суруйааччы үлэлэрэ көрдөрүүгэ туруохтара. Маны таһынан, кини 60- с сс. “Лесная обитель” кинигэтигэр хулуоһунньук Ефим Шапошников уруһуйдаабыт үлэлэрэ баар буолуохтара.

Baal

Baal2

Гавриил Григорьевич кэргэнэ Ольга Степановна Саха сирин тута сөбүлээбитэ. Саха сирэ киниэхэ духуобунай киининэн, айар үлэ музатынан буолбута. Кини саха чулуу уолаттарын, култуура деятеллэрин – С. П. Данилов, Н.М. Заболоцкай, С.Р. Кулачиков - Эллэй, Н. Е. Мординов, М.Е. Тимофеев, Д.К. Сивцев - Суорун Омоллоон, С.Т. Руфов, М.Д. Ефимов, профессор Ф.Г. Сафронов, профессор В.Ф. Алданского уо д.а. мөссүөннэрин скульптураҕа үйэтитэн хаалларбыта. Ахтыы киэһэтигэр Ольга Скубченко “Мать”, “Первая книжка” кэллиэксийэтэ, итиэннэ Таллан Бүрэ уонна Баал Хабырыыс мэтириэттэрэ көрдөрүүгэ туруохтара. Итиэннэ суруйааччы уонна скульптор дьиэ кэргэн дьиэтээҕи хаартыскаларын архыыба баар буолуоҕа.

Ахтыы киэһэтэ 16 ч. Киров уул. 9, иккис этээс фойетыгар саҕаланар. Сиһилии 33-52-79 төл. билсиҥ.

Тарҕат:

Ырытыыгын суруй

Защитный код
Обновить

Бүтэһик сонуннар