Киирии

Киирии

Абыйга «Эдек» этно-култуурунай кииҥҥэ СӨ Доруобуйа харыстабылын туйгуна, Арассыыйа Бочуотунай грамотатын хаһаайката, Кириэс-Майыар учаастагын балыыһатын биэлсэрэ Нина Неустроева «Күүстээх үлэ үөһүгэр» диэн Майыар нэһилиэгин табаһыттарын туһунан бастакы кинигэтин сүрэхтэниитэ буолла. Ааптар түөрт сылы быһа матырыйаалы хомуйбут.

Кинигэ сүрэхтэниитэ өрө көтөҕүллүүлээхтик барда. Тэрээһиҥҥэ Нина Неустроева кинигэҕэ хайдах үлэлэспитин сиһилии кэпсээтэ. Бэтэрээн учуутал А.Д. Слепцова, балыыһа кэлэктиибин аатыттан А.С. Слепцова, Е.Д. Слепцова, бэтэрээннэр сэбиэттэрин бэрэссэдээтэлэ С.Д. Никулина, ыстаада биригэдьиирэ М.К. Лебедева, «Эдек» ЭКК аатыттан С.С. Сидоров, оскуола социолог-бибилэтиэкэрэ А.И. Слепцова, О.М.Дохунаева, «Тугутчаан» уһуйаантан А.Е. Жиркова, олохтоох дьаһалтаттан В.А. Явловская ис сүрэхтэн эҕэрдэлээтилэр, махтанан туран, табабыт ахсаана эбиллэригэр эрэллэрин тиэртилэр.

Ис хоһоонун кылгастык билиһиннэрэр буоллахха, аан тылы ааптар бэйэтэ суруйбут. Таба иитиитин историята сэһэргэнэр. «Табаһыт аатын үрдүктүк тутан» түһүмэххэ күнүстэри-түүннэри өҥүрүк куйааска, томороон тымныыга таба иитиитигэр бэйэлэрин харыстаммакка үлэлээбит киэн туттар бастыҥ дьоммут туһунан кэпсэнэр. Нина Лазаревна кэргэнэ Гаврил Павлович ыстаадаҕа уһуннук үлэлээбит буолан, ыстаада олоҕун уһулуччу билэр.

«История кэрэһиттэрэ» түһүмэх араас сыллааҕы хаартыскаларынан аттарыллыбыт.

Уопсайа 400 экземплярынан 2018 сыллаахха, Дьокуускайга «Сайдам» издательствоҕа ааптар үбүлээһининэн таҕыста.Дьоро киэһэни «Таба үҥкүүтэ», хоту дойдуга сыһыаннаах ырыалар киэргэттилэр. Мустубут дьон өссө да маннык кинигэлэр тахса туралларыгар баҕа санааларын эттилэр.

Түмүккэ Нина Лазаревна тэрээһини ыыппыт, кини үөрүүтүн бииргэ кэлэн үллэстибит бар дьонугар истиҥ махталын тиэртэ.

Надежда Сидорова,Абый, Кэбэргэнэ.

Тарҕат:

Комментарии

Защитный код Обновить