Киирии

Киирии

2018 сыл Дьокуускайга Саҥаны киллэрии сылынан (Год Новаторства) биллэриллибитэ. Дойду бэрэсидьиэнэ Владимир Путин аныгы технологиялары дьон олоҕун тупсарыыга күүскэ туһаныҥ диэн ыҥырыытын кытары быһаччы ситимнээх. Оччолорго куорат мээрэ Айсен Николаев, Саҥаны киллэри сылынан биллэрэригэр, быйыл куорат олохтоохторо саҥа технологиялары туһанан биисинэс бырайыактары, этиилэри аһаҕастык этэн олоххо киллэриэхтээхтэрин тоһоҕолообута.

Инньэ гынан, быйыл III төгүлүн ыытыллар “Куораттар уонна дьоннор” кэмпириэнсийэ сүрүн өйдөбүлэ – инники идея аһаҕас буолуута. Быйылгы кэмпириэнсийэ тиэмэтэ – “Коммуникация уонна Цифровизация” диэн. Сыыппараны киллэрии (цифровизация) усулуобуйатыгар куорат эйгэтигэр, экэниэмикэҕэ, куораты салайыыга араас дойду эспиэрдэрэ, олохтоох былаас бэрэстэбиитэллэрэ, норуоттар икки ардыларынааҕы таһымнаах исписэлиистэр мустан кэпсэтиһиэхтэрэ. Кэмпириэнсийэ бэс ыйын 22-23 күннэригэр “Россия – моя история” историческай пааркаҕа публичнай истии, куорат холбоһуктарын, судаарыстыбаннай былас уорганнарын, тэрилтэ салайааччыларын уо.д.а. кытары уопут атастаһыы быһыытынан барыаҕа.

Кэмпириэнсийэ партнердарынан ХНТ Хабибат, бырааттыы куораттар норуоттар икки ардыларынааҕы Уопсастыбата, Тирэхтээх куораттар Бүтүн аан дойдутааҕы тэрилтэлэрэ, Киин уонна бөдөҥ куораттар норуоттар икки ардыларынааҕы ассамблеялара (МАГ), “Здоровые города, районы и поселки” Ассоциацията буолаллар.

Кэмпириэнсийэ кыттыылаахтара куорат олохтоохторугар куттал суоһаабатын хааччыйыы, сылдьарга тоҕоостоох, табыгастаах эйгэни тэрийии, куорат олоҕун тупсарыы курдук улахан тиэмлэри ырытыһыахтара. Кэмпириэнсийэҕэ киирбит сөптөөх этиилэр Дьокуускай олохтоохторун олохторун тупсарыыга туһаныллыахтара.

Кэмпириэнсийэҕэ 12 дойду бэрэстэбиитэллэрэ, судаарыстыбаннай былаас уорганнара, уопсастыбаннай тэрилтэлэр кыттыыны ылыахтара. 4 сессиянан ыытыллыаҕа:

- Куорат эйгэтэ – кэпсэтии куйаара / Городская среда – пространство общения;

- Куорат холбоһуктара: коммуникация саҥа култуурата / Городские сообщества: новая культура коммуникаций;

- Цифровизация үйэтигэр куорат экэниэмикэтин инникитэ / Будущее экономики города в эпоху цифровизации;

- Массмедиа: информацияоннай технологиялар уонна социальнай институт / Массмедиа: информационные технологии и социальный институт.

Кэмпириэнсийэ икки сыл арыттаах ыытыллар.

Тарҕат:

Ырытыыгын суруй

Защитный код
Обновить

Бүтэһик сонуннар