Атырдьах ыйын 7 күнүгэр Анатолий Кырдьаҕааһабы официальнайдык “Водоканал” салайааччытынан анаатылар. Кинини бүгүн кэлэктииби кытары билиһиннэрбиттэр. Бу туһунан тэрилтэ саайтыгар суруйаллар.
“Дьиэ-уот хомунаалынай хаһаайыстыбатын уонна энергетикаҕа миниистирэ Данил Саввинов “Водоканал” АУо кэлэктиибигэр хампаанньа генеральнай дириэктэрин эбээһинэһин толорооччутун Анатолий Кырдьаҕааһабы кытары билиһиннэрдэ” , — диэн суруйбуттар.
Миниистир Кырдьаҕааһабы билиһиннэрэригэр кини өрөспүүбүлүкэ дьиэ-уот хомунаалынай хаһаайыстыбатыгар үлэлээбит улахан уоппуттааҕын тоһоҕолообут уонна урукку салайааччыга – Гаврил Левиҥҥэ махталын биллэрбит.
