Киирии

Киирии

Балаҕан ыйын 4 күнүгэр Дьокуускайга ууну ылар уонна ыраастыыр тутуу – саҥа водозабор үлэҕэ киирдэ. СӨ салалтата “Ыраас уу” федеральнай быраагыраамаҕа киирэр былааннаах.

“Аны хас эмэ уонунан сыллар усталарыгар уу хаачыстыбатын туһунан боппуруоһу умнуохпут диэн бигэтик эрэнэбин. Биллэн турар, нэһилиэнньэни ыраас уунан хааччыйыы аҥаардас Дьокуускайынан уонна куорат таһынааҕы бөһүөлэктэринэн муҥурданыа суохтаах. Нэһилиэктэргэ, тыа сиригэр эмиэ тиийиэхтээх”, - диэн тутуу арыллыытыгар Ил Дархан э.т. Айсен Николаев эттэ.

Ити тэрээһиҥҥэ сылдьыбыт РФ тутууга миниистирин солбуйааччы Андрей Чибис көхтөөх эрэгийиэннэргэ федеральнай таһымнаах көмө оҥоһуллуо диэн эрэннэрдэ. “Бу бырайыак —аҥаардас хотугу эрэ эргимтэҕэ буолбакка, бүтүн дойдуга холобур буолар үтүө саҕалааһын. Ыраас уу – национальнай таһымнаах куттал суох буолуутун мэктиэтэ. Ол да иһин 2019 сылтан РФ бэрэсидьиэнин ыйааҕынан “Ыраас уу” федеральнай бырайыагы саҕалыыбыт. Алта сылынан кыһалҕа быһаарыллыахтаах. Оттон онно, бастатан туран, көмөнү Саха сирин курдук бу боппуруоһунан дьарыктанар кыахтаах, көхтөөх эрэгийиэннэр ылыахтара”, - диир тойон Чибис.

Тарҕат:

Ырытыыгын суруй

Защитный код
Обновить