Дьокуускай куорат Дууматын спикеринэн урбаанньыт Альберт Семенов талылынна. Бүгүн Дьокуускай куорат дууматын дьокутааттарын саҥа куорпустара бастакы сессиялара буолла. Альберт Семеновы бэрэссэдээтэлинэн таларга 19 дьокутаат куоластаата, 6 дьокутаат утарда.
Альберт Семенов урукку созывка дьокутааттаабыта, култуура уонна сынньалаҥ пааркатын салайбыта. Бу иннинэ Сайсарытааҕы уокуруктан Ил Түмэҥҥэ киирсибитэ да, Владимир Федоровка кыайтарбыта.
Оттон куорат дууматын 1-кы бэрэссэдээтэлинэн Евдокия Евсикова талылынна. Кини бу иннинэ куорат мээрин социальнай боппуруостарга солбуйааччынан үлэлээбитэ. Кини куорат Дууматыгар “Биир ньыгыл Арассыыйа” баартыйа испииһэгинэн киирбитэ. Евдокия Евсискова Альберт Семенов курдук бастайааннай төрүтүнэн үлэлиэҕэ.
Оттон бастайааннайа суох төрүтүнэн куорат Дууматын вице-спикеринэн “Водоканал” АУо генеральнай дириэктэрэ Анатолий Кырдьаҕааһап ананна. Кини “Гражданскай платоформа” баартыйа Саха сиринээҕи салаатын салайар.
Инньэ гынан, Александр Саввиновы Альберт Семенов (“Биир ньыгыл Арассыыйа”), Марина Силкинаны – Евдокия Евскиова (“Биир ньыгыл Арассыыйа”), Семен Филипповы – Анатолий Кырдьаҕааһап (“Гражданскай платформа”) солбуйдулар.
Мээрийэ саҥа салалтата куорат Дууматыгар саҥа анаммыт салайааччыларынан сылыктаатахха, балачча кыахтаах оппозияны ылла.
