Киирии

Киирии

Дьокуускайдааҕы 35-с оскуола саҥа дьиэтин тутуута түмүктэнэн эрэр. Бу туһунан СӨ үөрэх уонна наука министиэристибэтин пресс-сулууспата иһитиннэрэр.

Тутуу үлэтин үөрэх уонна наука министиэристибэтин министри солбуйааччы Владимир Тихонов, үөрэхтээһин сайдыытын хааччыйар ресурснай Киин дириэктэрэ Василий Петров уонна кини солбуйааччыта Евгений Афанасьев көрдүлэр-иһиттилэр.

Үс мэндиэмэннээх, 7000 кв м тахса иэннээх саҥа оскуола Тургенев уоннаа Октябрьскай уулуссалар быһа охсуһууларыгар турар. 275 миэстэлээх оскуола   федеральнай субсидияттан үбүлэнэр. Өрөспүүбүлүкэ федеральнай конкурстаах сүүмэрдээһин түмүгүнэн ылбыта.

Үлэ хаамыытын көрүүгэ оскуола 85 % түмүктэммитин бэлиэтээтилэр. Билигин иһинээҕи үлэтэ ыытыллар. Оскуола аныгы тэрилинэн хааччыллыа, библиотека, бассейн уонна киэҥ-куоҥ аактабай зал баар буолуоҕа.

Тутууга 100 тахса киһи үлэлиир. Генеральнай бэдэрээтчит «Кинг-95» хампаанньа.

Саҥа оскуоланы бу сыл ахсынньы 25 күнүгэр диэри туттарыахтара.

35-с №-дээх оскуолаҕа доруобуйаларыгар хааччахтаах оҕолор уопсай үөрэхтээһин бырагыраамматынан үөрэниэхэрэ.

Тарҕат:

Комментарии

Защитный код Обновить