Роспотребнадзор Саха сиринээҕи салаатын бэрэбиэркэтин 48 баартыйа килиэп уонна кондитерскай оҥоһуктар ааспатылар.
Бородууксуйа хаачыстыбаны уонна куттала суох буолууну бигэргэтэр табаарынай докумуона суох уонна санитарнай нуормаҕа эппиэттээбэт. Онон, 100 тахса кг ыйааһыннаах килиэп атыыга тахсыбата.
Ону таһынан, Роспотребнадзор бородууксуйаны батарыы болдьоҕо кэһиллиитин, килиэймэ сөп түбэспэтин уонна тэрилтэлэр санитарнай-техническэй туруктара мөлтөҕүн быһаарда. Оҥорон таһаарар тэрилтэлэр административнай эппиэтинэскэ тардылыннылар.
Бу сылга Роспотребнадзор Саха сиринээҕи салаата «Якутский хлебокомбинат» тэрилтэни бэрэбиэркэлээбитэ. Бородууксуйата хаачыстыбаннай эрээри, тэрилтэ дьиэтэ санитарнай-техническэй нуормаҕа эппиэттээбэт, бородууксуйа килиэймэтэ суох буолан административнай эппиэтинэскэ тардыллыбыта.
