Киирии

Киирии

Дьокуускай куорат дьаһалтата урбаанньыт Артак Самвелович Бежанян туох да көҥүлэ суох баһылаабыт сир учаастагын босхолуурун модьуйан өрөспүүбүлүкэ Арбитражнай суутугар үҥсүбүт сайабылыанньатын көрөллөр.

Мээрийэ Дьокуускай куоракка Кальвица уулуссатыгар баар 78 кв. м. иэннээх (14:36:105004:277 диэн кадаастыр нүөмэрдээх) сокуоннайа суохтук баһылаабыт сир учаастагын бэйэтин харчытыгар биир ый иһигэр босхолууругар модьуйбут. Ол учаастакка капиталнай тутуу баар, ону Бежанян бэйэтин харчытыгар көтүрүөхтээх уонна сир учаастагын төнүннэриэхтээх.

Ону Бежанян толорботоҕуна, суут уурааҕынан мээрийэ бэйэтэ көтүрүөхтээх уонна сүкпүт ороскуотун А.С. Бежанянтан көрдүөхтээх.

Мэрия 2019 сыл тохсунньу 9 күнүгэр биэрбит модьуйуута хамсаабата. Онуоха биир биричиинэннэн, куорат дьаһалтата модьуйуу сайабылыанньатыгар оччотооҕуга мээри быстах кэмҥэ солбуйан олорбут Дмитрий Садовников боломуочуйатын бигэргэтэр докумуон итэҕэһэ буолбут (мээрийэ бэрэстэбиитэлигэр дэбиэриннэһи Садовников 2018 сыл атырдьах ыйыгар биэрбит).

Мээрийэ бу итэҕэһи бу дьыл олунньу 8 күнүгэр дылы туоратыахтаах.

Санатар буоллахха, Артак Бежанян Речной быыбардыыр учаастагыттан куорат Дууматыгар дьокутаат (2003 сылтан солбуллубакка талыллыбыта).

Тарҕат:

Комментарии

Защитный код Обновить

Бүтэһик сонуннар