Киирии

Киирии

Билигин РФ Бэрэсидьиэнин Уһук Илиҥҥэ боломуочуйалаах бэрэстэбиитэлин  Юрий Трутнев  аппараатыгар, Анатолий Николаев кандидатуратын  ХИФУ ректорын дуоһунаһыгар көрүү үлэтэ бара турар.

Анатолий Николаев кандидатуратын Юрий Трутнев бигэргэппитин кэннэ  РФ Бырабыыталыстыбатын бэрэссэдээтэлэ Дмитрий Медведев көрүө. Билигин Николаев ХИФУ естественнай уонна техническэй хайысхатын проректорынан үлэлиир.

“Биһиги Москубалар быһаарыыларын ыксаппаппыт. Өскөтөн ХИФУ ректорынан ананар күннээх буоллахпына, университеппыт Арассыыйаҕа эрэ буолбакка Аан дойду таһымыгар биллэр басхан үрдүк үөрэх кыһата буоларыгар кыһаллан үлэлиэм-хамсыам”, – диэн Анатолий Николаев этэр.

ХИФУ сайыннарыы бырагырааммаҕа ыйылларынан, 2020 сылга университет дойду үрдүк үөрэх кыһаларын ортотугар үрдүкү кирбиини баһылыахтаах. “Билигин биһиги дойду 700 үрдүк үөрэх кыһаларыттан 28-с миэстэҕэ сылдьабыт. 2030 сылга диэри Аан дойду үрдүнэн басхан университет буолар былааннаахпыт”, — диэн  Анатолий Николаев бэлиэтээтэ.

Тарҕат:

Комментарии

Защитный код Обновить