Дьокуускайга “Емеян” диэн ааттаах, үс сааллаах саҥа киинэ тыйаатыра арыллара күүтүллэр. Ол туһунан тыйаатыр хаһаайына Ян Емельянов маннык кэпсиир:
“ Үс сааланы “супергеройдаах” киинэлэргэ олоҕуран оҥордубут. Ол курдук, бастакы саал “Супермен” диэн ааттаах, 124 миэстэлээх. Иккис саал эмиэ бачча миэстэлээх, “Человек-паук” диэн ааттанна. Оттон үһүс саал “Капитан Америка” диэн, 34 миэстэлээх буолар. Арыллыыны кулун тутар 7 күнүгэр былаанныыбыт. Билигин түүннэри-күнүстэри үлэ үөһүгэр сылдьабыт”.
Манна куорат олохтоохторо уонна ыалдьыттара Аан дойду, Арассыыйа уонна саха киинэлэрин көрүөхтэрэ. Экран кээмэйин, тыас-уус тэрилин туһунан хаһаайын кистэлэҥҥэ тутар.
