Киирии

Киирии

Кулун тутар 5-6 күннэригэр Дьокуускайга  IT-пааркаҕа, “Open Innovations Startup Tour” эрэгийиэннээҕи түһүмэҕэ ыытыллар. Күрэскэ сайаапкалары хомуйуу түмүктэннэ. Ол эрэн баҕалаах дьон тэрээһиҥҥэ кыттыахтарын, экспертэртэн сүбэ-ама ылыахтарын сөп.

Арассыыйа уонна СНГ дойдуларын үрдүнэн бастыҥ инновационнай бырайыактары көрдүүр бөдөҥ тэрээһин буолар. Дьокуускайга номнуо үһүс төгүлүн ыытыллар. “Стартап Тур” хамаандата 2014 уонна 2017 сыллаахха кэлэ сылдьыбыттара . Онтон ыла “Сколково” резиденнэринэн номнуо алта саха хампаанньата буолбута.

Быйылгы күрэскэ Бурятияттан, Чукотскай автономнай уокуруктан, Приморскай уонна Хабаровскай кыраайтан, ону таһынан, Ярославль уонна   Москуба куораттан 170 сайаапка киирбит. Полуфиналга үс хайысханан (информационнай технологиялар, мэдэссиинэҕэ уонна тыа хаһаайыстыбатыгар биотехнологиялар, индустриальнай уонна энергетическэй технологиялар) 30 бырайыак ааспыт.

“Стартапердар” сүрүн бириис 300 тыһ солк уонна бырайыактарын сайыннарыыга 2 мөл солк ылар иһин күрэстэһиэхтэрэ. Хас да бырайыак СӨ инновация сайдыытын пуондатын акселераторыгар талыллыахтара. Бары кыайыылаахтар ыам ыйыгар ыытыллар “Startup Village” диэн конференцияҕа ыҥырыы тутуохтара.

Тарҕат:

Комментарии

Защитный код Обновить

Бүтэһик сонуннар