Войти

Войти

Социальнай ситимҥэ от ыйын 1 күнүттэн маршрутнай оптуобустар төлөбүрдэрэ үрдүүр диэн сымыйа сурах тарҕаммытын мэрия бигэргэтэр.

Оптуобус төлөбүрэ үрдүүрүн туһунан куорат салалтата туох да дьаһалы ылымматаҕа. Баһылык Сардаана Авксентьева бу сылга төлөбүр сыаната үрдээһинин үөрэтэргэ быһаарыммыта. Онон маршрутнай оптуобустарга уу харчынан төлөбүр 28 солк, тыраанспар хаартатын атыылаһан экономиялыахха сөп”, – диэн иһитиннэриигэ суруллар. Төлөбүрү 30 солкуобайтан 28 солк түһэрэр туһунан дьаһал ааспыт сыл алтынньы ыйыгар баттаммыта.

Туймаада Ыһыаҕынан куорат баһылыга Үс Хатыҥҥа диэри 156 №-дээх муниципальнай оптуобустарга төлөбүр сыанатын 40 солк диэри түһэрэр туһунан дьаһалга илии баттаата. “ЯПАК” 156 №-дээх оптуобустара бэс ыйын 29-30 күннэригэр Үс Хатыҥҥа автовокзалтан айанныахтара.

Оттон 155 №-дээх “Союзавто” чааһынай оптуобустарын төлөбүрэ “Гимеин — Үс Хатыҥ — Гимеин” хайысханан былырыыҥҥы курдук 45 солк буолуоҕа.

News.Ykt.Ru

Тарҕат:

Комментарии

Защитный код Обновить