Ил Дархан Айсен Николаев “Инфорум” практикум ыалдьытын, РФ суруналыыстарын сойууһун бэрэссэдээтэлин Владимир Соловьевы кытта көрүстэ.
Владимир Соловьев тэрээһин үрдүк таһымнааҕын бэлиэтээтэ уонна Ил Дархаҥҥа өйөбүлүн иһин махтанна. “Инфорумҥа” уопсайа 170 тахса суруналыыс, блогер, медиаменеджер кытынна. Владимир Соловьев Саха сирин суруналыыстарын сойууһун үлэтин үчүгэйинэн сыаналаата. Бу күҥҥэ дойду үрдүнэн саамай улахан түмсүү буоларын бэлиэтээтэ. Ону таһынан, “Саха” НКИХ уонна ГТРК “Саха” үлэтин көрдө-иһиттэ. Уонна эдэр суруналыыстарга Саха сирин суруналыыстарын сойууһун билиэтин туттарда.
СӨ бырабыыталыстыбатын пресс-сулууспата иһитиннэрбитинэн, көрсүһүүгэ өрөспүүбүлүкэҕэ көрдөрөр-иһитиннэрэр эйгэни сайыннарыы уонна бииргэ үлэлээһин боппуруостарын дьүүллэстилэр. Владимир Соловьев инникитин таһаарыылаах үлэҕэ эрэллээҕин эттэ.
