Киирии

Киирии

Саха циркэтигэр Италия курдук ыраах сиртэн кэлбит сонун бырагырааммалаах ураты көрдөрүү буола турар. Манна баар баабырдар, слоннар, тэбиэннэр уонна да атын   экзотическай кыыллар саха дьонун сөхтөрүөн-сөхтөрдүлэр. От ыйын 20 күнүгэр бастакы көрдөрүү буолбута. Ыалдьыттар ый курдук саха дьонун үөрдүөхтэрэ.

От ыйын 13 күнүгэр Дьокуускай куоракка, Горькай аатынан уулуссанан хаамса   сылдьар икки слон хаартыската социальнай ситимнэр уонна бассаап нөҥүө тарҕаммыта. Ону таһынан, кыараҕас контейнергэ ойоҕоһунан олорор слон хаартыскатынүгүс дьон көрбүт буолуохтаах. Онтон сылтаан тэрийээччилэри үгүстүк   кириитикэлээбиттэрэ.  

Тэрийээччилэр этэллэринэн маннык петиция кинилэр гостуруоллаабыт   куораттарыгар   буолбут. Ол эрэн, дьон хамаҕатык сылдьар.

Саха сиригэр соһуччу гостуруоллуу кэллибит. Хабаровскайтан Кемерово куоракка айанныахтаах этибит. Биһигини саха циркэтин 25 сыллаах үбүлүөйүнэн ыҥырбыттара. Манна слоннардаах циркэ көрдөрүүтэ бастакытын буолар. Петиция солуута суох дии саныыбын. Биһиги кыылларбыт үчүгэй көрүүлээхтэр, куруук тоттор. Калининград куоракка биһигини утаран 40 тыһ киһиттэн илии баттааһынын хомуйбуттара. Оттон Дьокуускайга саал куруук толору буолар. Күн аайы суруналыыстар кэлэн усталлар, кэпсэтэллэр. Кыыллар туруктара, усулуобуйа үчүгэйин көрөн бараллар.   Бэҕэһээ олохтоох ханаал быһа эфиргэ устубута. Кыыллар, холобур, баабырдар киэҥ-куоҥ вольерга сылдьаллар”, – диэн бырагырааммаадминистратора Иван Романов кэпсээтэ.

Кини этэринэнХабаровскайтан Дьокуускайга диэри сотору-сотору тохтобуллаах түөрт күнүнэн айаннаан кэлбиттэр. “Биһиги икки чаас буола-буола тохтоон кыылларбытын аһатабыт, бэрэбиэркэлиибит.Контейнерга ойоҕоһунан олорор слон хаартыскатын көрбүтүм. Бу биһиги кыылбыт буолбатах! Биһиги киэҥ-куоҥ фура массыынанан тиэйэбит”, – диэн кэпсээтэ.

“Слоннар уонна баабырдар” шоу бырагыраамманан Арассыыйаҕа бастакытын гостуруоллууллар. Былааҥҥа уон куорат баар.

Бу күннэргэ биһиги циркэҕэ сылдьан сонун көстүүнүкөрдүбүт. Оннооҕор кыра оҕолор 2,5 чаас устата олорон, олус болҕомтолоохтук көрдүлэр, олус астыннылар. Туох да диэбит иһин, биһиэхэ, Саха сиригэр күн аайы слоннаах гостуруоллуу кэлбэт буоллахтара дии...

Виктория СТАСЬ.

Тарҕат:

Комментарии

Защитный код Обновить