Киирии

Киирии

Дьокуускай куоракка элбэх кыбартыыралаах дьиэлэргэ ититии ый ортото киириэҕэ. Бу туһунан уокуруктааҕы дьаһалта пресс-сулууспата иһитиннэрэр.

СӨ ОДьКХ уонна энергетикэ миниистирэ Дмитрий Садовников Дьокуускай куорат баһылыгын бастакы солбуйааччытын Владимир Федоровы кытта, оттор кэмҥэ бэлэмнэнии туһунан көһө сылдьар мунньаҕы тэрийдилэр. Үлэлиир хамыыһыйа Хатас бөһүөлэгэр үс хочуолунайы бэрэбиэркэлээтэ. Дмитрий Садовников министиэристибэ иһинэн олорор дьиэлэргэ уонна социальнай эбийиэктэргэ  ититии бэриллэрин кэтиир оперативнай бөлөх тэриллибитин иһитиннэрдэ.

Куорат баһылыгын дьаһалынан балаҕан ыйын 2 күнүттэн бары социальнай тэрилтэлэргэ ититии бэрилиннэ. Манна билиҥҥи туругунан сэмэлээһиннэр суохтар. Оперативнай бөлөх 100 % ититиигэ холбонуохтарыгар диэри үлэтин ыытар”, — диэн миниистир эттэ.

Куорат баһылыгын бастакы солбуйааччы  Владимир Федоров ититиини биэрии хойутааһына суох саҕаламмытын бэлиэтээтэ.

Хатас бөһүөлэгин хочуолунайдара 100% оттор кэмҥэ бэлэмнэр. Билиҥҥи туругунан бөһүөлэккэ баар бары социальнай эбийиэктэргэ ититии бэриллибит. Оттон куорат тэхиньичэскэй өттүнэн 100% бэлэм”, – диэн бэлиэтээтэ.

News.Ykt.Ru

Тарҕат:

Комментарии

Защитный код Обновить