Балаҕан ыйын 14 күнүгэр “Юность” стадиоҥҥа номнуо үгэскэ кубулуйбут ХИФУ бастакы кууруһун устудьуоннарын күнэ ыытыллыа. Манна устудьуон үрдүк аатын сүкпүт 3000 кэриҥэ ыччат кыттыыны ылыа. Бу туһунан ХИФУ пресс-сулууспата иһитиннэрэр.
Быйылгы бырааһынньык ХИФУ 10 сылыгар ананар. Сүрүн уратыта диэн, киэһээҥи бырагыраамматтан киирбит харчы университет үлэһитэ Артур Дуткин кэргэнигэр Альбина Дудкина эмтэнэригэр ананыа. Кинилэр билигин Соҕуруу Кореяҕа эмтэнэ сылдьаллар. Киирии билиэт 100 солк.
