Войти

Войти

Балаҕан ыйын 28 күнүгэр ДьТХА ипподромугар СӨ тыа хаһаайыстыбатын министиэристибэтин бирииһигэр ат сүүрдүүтэ буолуоҕа. Манна өрөспүүбүлүкэ араас муннугуттан аатырбыт сүүрүүк сылгылар кыттыахтара. Бириис пуондата 750 тыһ солк. Бу туһунан биэдэмистибэ пресс-сулууспата иһитиннэрэр.

Сүүрдүүгэ иккилэриттэн үөһэ саастаах, ыраас хааннаах атыырдар, аттаммыт атыырдар уонна биэлэр кыттыахтара. Ыйааһыннара эмиэ улахан оруолу ылар. Ол курдук, икки саастаах сүүрүүк сылгы ыйааһына 55 кг буолуохтаах, иккиттэн үөһэ саастаах – 57 кг кыра буолуо суохтаах. Аттар биэс дистанциянан: 1000, 1200, 1600, 2400 уонна 3200 м., ону таһынан, 1800 м сүүрүөхтэрэ. Бастакы миэстэни ылбыт хамаанда 375 000 солк, иккис — 225 000 солк, үһүс — 150 000 солк ылар. Тэрийээччилэр сайаапкалары хомуйа сылдьаллар. Билиҥҥи туругунан Чурапчылар, Аммалар, Намнар уонна Мэҥэ-Хаҥаластар кытталларын биллэрбиттэр.

ysia.ru

Тарҕат:

Добавить комментарий