Киирии

Киирии

1964 сыллаахха алтынньы 8 күнүгэр Дьокуускай куоракка, баара-суоҕа 25 эрэ саастаах Володя Губин ууга түспүт оҕолору быыһаары олоҕун толук уурбута. Бу быһылаан билиҥҥитэ Губин аатынан уулусса аттыгар буолбут. Ол саҕана манна улахан күөл баар эбит. Онно оонньуу сылдьыбыт түөрт оҕо ууга түспүттэрин көрөн, Володя уһуну-киэҥи толкуйдаабакка оҕолору быыһыы сүүрэр. Кини харбааһыҥҥа бастакы разрядтаах буолан, түөрт оҕону ууттан быыһыыр уонна хомойуох иһин, бэйэтэ кыайан быыһаммат. Ыарахан сылдьар кэргэнин хараҕар эдэркээн уол тыына быстар.

 Бүгүн, алтынньы 8 күнүгэр, Володя Губин дьоруойдуу быһыытын үйэтитэн үүнэр көлүөнэ ыччакка холобур оҥороору, кини аатынан уулусса 33-с №-дээх дьиэтин аттыгар Володя Губин бүүһүн арыллыыта буолан ааста. Манна Губинскай уокурук дьаһалтатын салайааччылар, оскуола оҕолоро, Речной училища устудьуоннара, ытык кырдьаҕастар уонна олохтоохтор мустан, Володя Губин туһунан үгүс үтүө тыллары эттилэр.

Тарҕат:

Комментарии

Защитный код Обновить