Алтынньы 11 күнүгэр Сэргэлээх суолун 4 км, номнуо 26-с “Медцентр” ичигэс тохтобул үөрүүлээх арыллыыта буолан ааста.
Саҥа ичигэс тохтобулга оптуобустар ханнык уулуссанан айаннаан иһэллэрин көрдөрөр монитор, тыраанспар хаартатыгар харчы угар терминал уонна дьон олорон эрэ күүтэригэр кириэһилэлэр бааллар.
Дьокуускай куорат дьаһалтата 2014 сылтан “Ичигэс тохтобул” (Теплая автобусная остановка) диэн социальнай суолталаах бырайыагы үлэлэтэр. Бу бырайыак бүтүн Арассыыйатааҕы куоҥкуруска “Коммунальнай инфраструктура сайдыыта” диэн номинацияҕа бастакы степеннээх дипломунан бэлиэтэммитэ.
