Алтынньы 18 күнүгэр ДьТХА попечительскэй сэбиэтин мунньаҕа буолан ааста.
Манна 17 киһиттэн тоҕус киһи кыттыыны ылла. Ол курдук, “Алмаасэргиэнбаан” бырабылыанньатын, ДьТХА попечительскэй сэбиэтин бэрэссэдээтэлэ Николай Николаевич Долгунов, “Сахабулт” генеральнай дириэктэрэ Михаил Михайлович Павлов, “Ситим” медиа-бөлөх генеральнай дириэктэрэ, Ил Түмэн дьокутаата Мария Николаевна Христофорова, РАН СС ЯНЦ федеральнай чинчийэр киин бэрэссэдээтэлэ Михаил Петрович Лебедев, “Якутлесресурс” генеральнай дириэктэрэ Дьулустан Иванович Хон, СӨ тыа хаһаайыстыбатын министиэристибэтин тыа хаһаайыстыбатын уунан хааччыйыы уонна сири тупсарыы салалтатын салайааччы Валенитин Иванович Николаев, ДьТХА ректора, Ил Түмэн дьокутаата Иван Иванович Слепцов, ону таһынан, “Алмаасэргиэнбаан” бырабылыанньатын бэрэссэдээтэлин сүбэһитэ Людмила Валерьевна Николаева, “Айгуль” ХЭТ генеральнай дириэктэрэ Флида Миргазимовна Габбасова “Skype” уонна бассаап ситимнэр нөҥүө мунньахха кытыннылар.
Уопсайа биэс боппуруоһу көрдүлэр: ДьТХА попечительскэй сэбиэтин бэрэссэдээтэлин солбуйааччыны талыы; президиумун састаабын бигэргэтии; Ревизионнай хамыыһыйатын састаабын бигэргэтии; толорооччу дириэктэри талыы уонна үлэ былаанын бигэргэтии.
Куоластааһын түмүгүнэн ДьТХА попечительскэй сэбиэтин бэрэссэдээтэлин солбуйааччынан Иван Иванович Слепцов буолла. Президиумун састаабыгар Николай Николаевич Долгунов, Иван Иванович Слепцов, Александр Степанович Слоик, Людмила Валерьевна Николаева, Флида Миргазимовна Габбасова, Мария Николаевна Христофорова уонна Саргылана Поликарповна Аммосова киирдилэр. Ревизионнай хамыыһыйа састаабыгар Семен Семенович Иванов, Михаил Михайлович Павлов, Дмитрий Александрович Семенов ананнылар. Оттон толорооччу дириэктэринэн ДьТХА административнай үлэ салалтатын салайааччы Василий Петрович Баишевы таллылар. Уонна бүтэһик боппуруоһунан сылга иккитэ уопсай мунньах, сылга түөртэ президиум мунньаҕа уонна былаана суох уочараты таһынан уопсай мунньах ыытар туһунан быһаардылар.
