Войти

Войти

Быйыл “Бичик” кинигэ кыһата “Шаманы – избранники небес и духов” диэн профессор уонна учуонай Розалия Бравина кинигэтин таһаарбыта. Кинигэ Рязань куоракка ыытыллыбыт “Читающий мир” диэн эрэгийиэннэр икки ардыларынааҕы национальнай кинигэлэр бэстибээлигэр лауреат буолан кэллэ. Ситиһиитэ манан эрэ муҥурдаммат, федеральнай таһымнаах куоҥкурустарга эмиэ хаста да бэлиэтэнэн турар.

“Шаманы – избранники небес и духов” кинигэни энциклопедия диэххэ сөп. Ааптар саха ойууттарын туһунан суруйар. Ол курдук, ааспыт үйэ 70-с сылларыгар хотугу кыраайга ойууннааһын хайдах үөскээбитин уонна сайдыбытын туһунан сырдатар.

Розалия Иннокентьевна ойууннар биир сүрүн социальнай суолталара дьону, сүөһүнү “эмтээһиннэрэ” буолар диэн бэлиэтиир. Ону таһынан, саха ойууттара ардаҕы, хаары, тыалы-кууһу аҕалар күүстээхтэр. Уонна инникини өтө көрөн туох буоларын кэпсииллэр.

Ойууннар “транска” киирдэхтэринэ ыһытыыллар-хаһытыыллар, өйдөрүн сүтэрэллэр, айахтарыттан күгэн тахсыар диэри дьикти турукка киирэллэр. Уонна ол кэнниттэн тугу “көрбүттэрин” кэпсииллэр. Ол курдук, кинилэр сөҕүмэр дьайыыны оҥороллор. Холобур, 30 кг ыйааһыннаах ритуальнай таҥастарын кэтэ сылдьан бэрт үрдүгү ыстаналлар, итии чоҕу илиилэринэн ылаллар, ыйысталлар. Бу барыта көрөөччүнү экстазка тиэрдэр.

“Шаманы – избранники небес и духов” кинигэ ойууннар биллибэт уонна мистическэй эйгэлэрин арыйар.

Тарҕат:

Комментарии

Защитный код Обновить