Киирии

Киирии

Бүгүн, сэтинньи 1 күнүгэр А.С. Пушкин аатынан Нуучча тыйаатырыгар, Дьокуускайдааҕы 15-с №-дээх орто оскуола төрүттэммитэ 35 сыллаах үбүлүөйүн бэлиэтиир үөрүүлээх тэрээһин буолан ааста.

Оскуола устуоруйатын сэгэтэн көрөр эбит буоллахха, 1940 сыллаахха   Дзержинскэй аатынан уулуссаҕа  оһоҕунан оттуллар мас дьиэҕэ үлэтин саҕалаабыт. Манна баара-суоҕа 15 учуутал үлэлээбит. 50-с сылтан начаалынай оскуола буолбут.  7-11 диэри саастаах 195 оҕо үөрэммит. Оччолорго  Орджоникидзе уулуссатын 39-с дьиэтигэр үлэлээбит. 1984 сылтан орто оскуола буолбут. 2002 сыллаахха мас дьиэттэн Бестужева-Марлинского 24-гэр баар таас дьиэлэммит. Билигин манна 58 учуутал уонна 1150 оҕо үөрэнэр.

31 сыл дириэктэринэн үлэлээбит, билигин оскуола бочуоттаах бэрэсидьиэнэ, РФ үөрэхтээһинин туйгуна, СӨ үтүөлээх учуутала, “Учууталлар учууталлара” аат хаһаайына Борис Александрович Горбатюк уонна оскуола билиҥҥи дириэктэрэ, педагогическэй билим хандьыдаата, РФ үөрэхтээһинин туйгуна, РФ бастыҥ учууталларын куоҥкуруһун кыайыылааҕа, “Чинчийээччи-учуутал” Дьокуускай куорат баһылыгын гранын кыайыылааҕа, “Директор года – 2018” бочуоттаах бэлиэ хаһаайката  Светлана Юрьевна Горбатюк бүгүҥҥү тэрээһиҥҥэ үрдүкү сыанаҕа олордулар.

Светлана Юрьевна мустубут дьону, оскуола үөрэнээччилэрин, учууталларын, тэхиньиичэскэй үлэһиттэрин, оскуоланы араас сылларга бүтэрбит дьону барыларын эҕэрдэлээтэ. Ону таһынан, попечителлэргэ, “Якутскэнергэ”, “Водоканал”, “Акварель”, “Планета электро” хампаанньаларга, Ил Түмэн дьокутааттарыгар Мария Николаевна Христофороваҕа, Александр Степанович Слоикка, Анатолий Андреев Кырджагасовка уонна Нуучча тыйаатырын дириэктэригэр Александр Александрович Лобановка улахан махталын эттэ.

Өрөспүүбүлүкэ бас-көс дьоно Дьокуускай куорат баһылыга Сардаана Владимировна Авксентьева, СӨ үөрэхтээһинин миниистирэ Владимир Анатольевич Егоров, ХИФУ бэрэсидьиэнэ Евгения Исаевна Михайлова эҕэрдэлээтилэр. Евгения Исаевна оскуола бастыҥ үөрэнээччилэригэр Измира Шабаеваҕа уонна Михаил Филипповка планшет бэлэхтээтэ. Ону таһынан, Борис Александрович Горбатюкка ХИФУ саамай үрдүк наҕараадатын уонна харчынан бириэмийэни туттарда. Сардаана Владимировна оскуола дириэктэригэр көмпүүтэр атыылаһалларыгар  сэртипикээт туттарда.

Тарҕат:

Комментарии

You have no rights to post comments

Бүтэһик сонуннар