Сэтинньи 16 күнүгэр ХИФУ “NEFU International” диэн сылын аайы ыытыллар бэстибээл буолан ааста. Бу туһунан университет пресс-сулууспата иһитиннэрэр.
Бэстибээл кыттыылаахтара 35 дойду култууратын, үгэстэрин билистилэр. Бэстибээл бэрэсидьиэнэ Шахрух Рисалиев бэлиэтээбитинэн, устудьуоннар маннык тэрээһин көмөтүнэн адаптацияны үчүгэйдик ааһаллар.
Проректор Владлен Кугунуров этэринэн, ХИФУ атын омук дойдутуттан кэлбит 420 устудьуон үөрэнэр. “Сыл аайы атын дойдуттан профессордар кэлэн үлэлииллэрэ элбии турар. Ол курдук, билигин 100 тахса исписэлиис үлэлиир”.
Математика уонна информатика институтун үһүс кууруһун устудьуона , Вьетнамтан сылдьар Лу Ба Шан санаатын маннык үллэстэр: “Уһуйааччыларбыт биһигини олус өйүүллэр. Үөрэхпит таһынан араас тэрээһиннэргэ кыттарбыт наһаа үчүгэй”.
