Киирии

Киирии

Дьокуускай куорат баһылыга Сардана Авксеньтева социальнай ситим нөҥүө үөрүүлээх сонуну иһитиннэрдэ. Ол туһунан маннык суруйан таһаарбыт.

 “Федеральнай ойуур пуондатын сирин тыа хаһаайыстыбатыгар аналлаах сиргэ көһөрүүнү ситистибит. Ол курдук, Бүлүүлүүр, Маҥанныыр уонна Намныыр суолларга үс учаастагы ыллыбыт. Уопсайа 458 гектар сир. Бу боппуруос сэттэ сылы быһа харыс да хамсаабакка турбута. Биһиги биир сыл иһигэр элбэх оҕолоох ыаллар бас билэр сирдэнэллэрин туһугар балачча суолталаах хардыыны оҥордубут. Бу сыллар тухары элбэх оҕолоох ыаллар сир ылыыга уочараттара хамсаабакка турар. Билигин манна 6 тыһ тахса ыал баар. Бу сир барыларыгар тиийбэтин өйдүүбүн. Ол эрэн, саҕалаабыт дьыалабытын хайаан да тиһэҕэр тиэрдэр курдук үлэлиэхпит. Билигин сири муниципальнай бас билиигэ көһөрөр сорук турар. Ону таһынан, уоту, гааһы киллэриини эмиэ умнубаппыт. Ол курдук, үлэ өссө да элбэх.

tid2UGNgYK

 Дьокуускайдааҕы сир сыһыаннаһыыларын ааҕыныстыбатын исписэлиистэрин үрдүк таһымнаах үлэлэрин бэлиэтиэхпин баҕарабын. Ону таһынан, Саха сириттэн Госдума дьокутаатыгар Федот Тумусовка өйөбүлүн иһин махтанабын. Биһиги күүспүтүн түмэммит хас да сыллаах боппуруоһу быһаардыбыт. Убайбытыгар Федот Семеновичка улахан махтал! Куораттааҕы уопсастыбаннай палаата уонна элбэх оҕолоох ыаллар бэрэстэбиитэллэрин сирдэри түҥэтии кэмигэр,   барыта чиэһинэй буоларын курдук ол саҕана кыттыһалларыгар ыҥырабын”, – диэн Сардана Владимировна суруйан таһаарбыт.

yakutia24.ru/

Тарҕат:

Комментарии

You have no rights to post comments

Бүтэһик сонуннар