Ааспыт өрөбүлгэ Дьокуускай куоракка “Вкус Якутии” диэн национальнай бүлүүдэлэр куоҥкуруһа буолан ааста. Манна киин куорат уон бастыҥ эрэстэрээнэ: “Своя компания”, “Карлсон”, “Крыша”, “Муус Хайа”, “Река. Озеро. Лес”, “Каре”, “Kitchen”, “Тыгын Дархан”, “Атласовтар уһаайбалара” уонна “Махтал” кыттыыны ыллылар. Олортон “Река. Озеро. Лес” эрэстэрээн кыайыыны ситистэ.
Хас биирдии эрэстэрээн тымныы сокууска, салаат, итии ас, утах, бурдук уонна минньигэс астарын билиһиннэрдилэр. Ону таһынан, хотугу норуоттар култуураларыгар олоҕуран туруоруулары көрдөрдүлэр.
Түмүккэ бэстибээл кыттыылаахтара дипломунан уонна сыаналаах бириистэринэн наҕараадаланнылар. Гран-при кубогын “Река. Озеро. Лес” эрэстэрээн ылла.
