Войти

Войти

Дьокуускай куораттааҕы полиция үлэһиттэрэ сылын аайы “Подари волшебство” диэн аһымал аахсыйаны ыыталлар. Быйыл номнуо 14-с төгүлүн ыытыллар. Манна олох ыарахаттарыгар уонна учуокка турар ыал оҕолоругар Саҥа дьыллааҕы бэлэхтэри туттараллар.

Ахсынньы 20 күнүгэр эстрада тыйаатырыгар оҕолорго аналлаах тэрээһин буолан ааста. Бу күн кырачааннары полиция үлэһиттэрэ эрэ буолбакка, биллиилээх спортсменнар, артыыстар, ырыаһыттар уонна уопсастыбанньыктар эҕэрдэлээтилэр, испэктээк көрдөрдүлэр.

“Дьокуускайдааҕы” ИДьМ МУ салайааччыта Николай Кульбертинов:

09f1067f 62e1 4dc5 a1b8 c1ded07d2775

Бүгүҥҥэттэн “Подари волшебство” аахсыйа саҕаламмытынан ааҕабыт. Полиция үлэһиттэрэ Тымныы оҕонньор, оттон ПДН кэрэ аҥаардара Хаарчаана буолан 800 – 900 бэлэҕи учуокка турар, тиийиммэт-түгэммэт ыаллар оҕолоругар түҥэтиэхтэрэ. Маннык түгэҥҥэ оҕолор буруйдара суох. Хас биирдии оҕо сырдыкка, кэрэҕэ тардыһара саарбаҕа суох. Биһиэхэ учуокка турар оҕолор үтүө дьон буола улаатыахтара диэммин эрэнэбин. Оннук холобурдар бааллар. Аахсыйа быйыл 14-с төгүлүн ыытыллар. Урукку сылларга учуокка турбут оҕолор билигин көнө суолга туран дьоһун дьон буоллулар.

Бүгүн куорат баһылыга Сардана Авксентьева үчүгэйдик үөрэнэр, биһиги аахсыйаларбытыгар көхтөөхтүк кыттар оҕоҕо махтал сурук эрэннэрдэ. Уон оҕоттон биир оҕо алҕастарын өйдөөн көнө суолга турдаҕына, ол аата биһиги ыытар үлэбит халтай буолбатах эбит диэн саныыбын.

20191224 100814 1

“Ситим” медиа-бөлөх генеральнай дириэктэрэ, Ил Түмэн дьокутаата Мария Христофорова бу аахсыйаҕа анаан 15 минньигэс бэлэҕи уонна “Добрые ручки” аахсыйа көмөтүнэн хомуллубут 60 паара сылаас үтүлүктэри  туттарда. Ол туһунан социальнай ситимҥэ маннык суруйар: “Биһиги Саҥа дьыл иннинэ элбэх оҕолоох, кыаммат-түгэммэт ыал оҕолоругар минньигэс бэлэхтэри туттарар үтүө үгэстээхпит. Бүгүҥҥэттэн Дьокуускайдааҕы полиция үлэһиттэрин “Подари волшебство” диэн аһымал аахсыйалара саҕаланна. Аахсыйа сүрүн көҕүлээччитэ Николай Кульбертинов буолар. Биһиги минньигэс бэлэхтэри таһынан үтүлүктэри бэлэх ууннубут. Үүнэр сыл барыгытыгар үтүөнү, дьолу эрэ тосхойдун”.

35593964 938a 4d34 a089 f6913fd00aba

 

80063b62 f81c 43e4 af0c 04358a44608d

61d207d8 041c 4ae6 b01e 5620554b6b6b

yakutia24.ru/

Тарҕат:

Комментарии

Защитный код Обновить