Войти

Войти

Ахсынньы 20-21 күннэригэр Дьокуускайга урбаанньыттарга аналлаах “Бизнес Экспо – 2019” быыстапка ыытылынна. Быыстапка бырагыраамматынан маастар-кылаастар, семинардар, трениҥнэр ыытылыннылар уонна бастыҥнар наҕараадаланнылар.

Быйылгы быыстапкаҕа өрөспүүбүлүкэ 18 оройуонуттан уонна Дьокуускай куораттан 60 тахса урбаанньыт кытынна. Быыстапканы “Мой бизнес” киин уонна СӨ урбаанын, атыыга-эргиэҥҥэ уонна туризмҥа министиэристибэтэ тэрийэн ыыттылар. Ыҥырыылаах ыалдьыт, стилист Гала Борзова муода уонна кэрэ буолуу эйгэтигэр харчыны хайдах “өлөрүөххэ” сөбүн туһунан кэпсээтэ.

Саха быһаҕын оҥорууга, чорооҥҥо уруһуй түһэриитигэр маастар-кылаастар ыытылыннылар. Ону таһынан, саха модельердара бэйэлэрин кэллиэксийэлэрин көрдөрдүлэр. Ол курдук, “Tulluk” оҕо таҥаһын, Анжелика Кириллина “Sakha Boho Style”, “SOLKO” бренд капсульнай уонна Ирина Сарта “Три дизайнера” диэн Саҥа дьыллааҕы кэллиэксийэлэрин көрдөрдүлэр.

Түмүккэ бастыҥнары наҕараадалааһын буолла. Ол курдук, “Лучший стенд” III истиэпэннээх диплому “Toto Choco” сакалаат оҥорор эдэр урбаанньыт Сандаара Чемезова (Мэҥэ Хаҥалас) ылла. II истиэпэннээх дипломунан “Чороон 21 үйэ” уонна I истиэпэннээх дипломунан “Үөһээ Бүлүү” ХЭУо наҕараадаланнылар.

“Быыстапка бастыҥ ассортимена” номинацияҕа Мэҥэ Хаҥаластан “Майа” тыа хаһаайыстыбатын кэпэрэтиибэ, Булуҥ оройуонуттан “Хоту балык” тэрилтэ салайааччыта Алексей Птицын уонна Горнай улууһуттан урбаанньыт Вера Лиханова наҕараадаланнылар.

Оттон “Новинка года” номинацияны түргэн лапсаны оҥорбут Хомус Сайдаара Саарын Кыыhа, Алдантан Юрий Ленскай уонна микро-үүнээйини оҥорбут Наталья Борисова ыллылар.

“Бизнес Экспо” быыстапка бэйэ оҥорон таһаарар бородууксуйатын тарҕатар сыаллаах быйыл ахсыс төгүлүн ыытылынна.

0fe66999 75da 4f9c b514 3468d9d73fee

3d5e56f1 7f95 4971 a643 6c5d97e6b507

875db76d 0405 40a8 b0a0 4d0fe787c7be

2866f64b 8194 4247 afc3 936ccc07c127

0854186c 4074 4f39 88d8 2b3e364c004b

yakutia24.ru/news

Тарҕат:

Добавить комментарий

Бүтэһик сонуннар