Войти

Войти

Премьер Дмитрий Медведев  ыытар быраабы ыларга туттарыллар  эксээмэннэргэ  уларытыылар  киирэллэрин  туһунан дьаһалга илии баттаата.

Ол курдук, бастакы уларыйыылар  тохсунньу ыйтан олоххо киириэхтэрэ. Сорохтор  алтынньы 1 күнүттэн  үлэлиэхтэрэ диэн “Коммерсанть” хаһыакка суруйаллар. Тохсунньу ыйтан сүрүн суолга (магистралга)  эксээмэн туппат буолуохтара.   Ону таһынан, суол быраабылатын кэспит киһи  ыстараабы төлүү илигинэ быраабын ылыа  суоҕа. Оттон алтынньы ыйтан куорат  уулуссатыгар  уонна  былаһааккаҕа туттарыллар  эксээмэннэри холбуохтара.  Практическай эксээмэн чаас аҥара буолуоҕа. Саҥа быраабыланан эксээмэн буолар   маршрутунан  эрдэттэн  айанныыр көҥүллэммэт  буолуоҕа. Уулуссалар испииһэктэрэ эрэ тахсыаҕа. Ону таһынан, эксээмэн  түмүгүн  көтүрүөххэ сөп буолуоҕа.  Сымыйа докумуоннардаах  киһи  төһө да үчүгэй түмүктээх эксээмэнин  ГИБДД көтүрэр кыахтаах. Иккистээн туттарыллар  эксээмэн болдьоҕун туһунан эмиэ ыйыллар. Ол курдук,   тесты үһүстээн кыайан туттарбатахха,   төрдүһүн туттарарга   ыйы кыайбат кэмтэн үс ыйга диэри күүтэргэ күһэллэҕин.  Үөрэтэр оскуолалар  лицензияларын болдьоҕо бүтэн хаалбыт буоллаҕына, үөрэнээччини   эксээмэҥҥэ ыыппаттар.  

news.ykt.ru/

Тарҕат:

Комментарии

Защитный код Обновить