Войти

Войти

Бүгүн, ахсынньы 30 күнүгэр, сыл тиһэх мунньаҕар Роспотребнадзор киин куоракка куор ыарыытын туһунан иһитиннэрдэ.

Бэҕэһээ киэһээҥҥи туругунан, куорунан ыалдьыбыт дьон ахсаана 51 киһиэхэ тиийбит, ол иһигэр 36 улахан киһи уонна 15 оҕо. Куорат оскуолаларыгар үөрэхтэн быстах кэмҥэ 769 оҕо босхоломмут, эбии 328 үөрэнээччи вакцина ылбыт. Уһуйааннарга 612 оҕо сылдьарын боппуттар, эбии 187 оҕоҕо быһыы туруорбуттар.

“Ыарыы булуллубут сиригэр: дьиэҕэ,подъездка, кылааска эбэтэр оскуолаҕа да буоллун, икки суукка иһигэр урут быһыы ылбатах дьоҥҥо суһаллык вакцина туруорар хайаан да наада”, - диэн Сардаана Авксентьева тоһоҕолоото.

Ыарыһаҕаы кытары сылдьыспыт дьон быһыы ылалларыттан аккаастанар түбэлтэлэрэ бэлиэтэммит. Онон сибээстээн, мээр уокурук баһылыктарыгар нэһилиэнньэҕэ өйдөтөр үлэни күүһүрдэллэригэр сорудахтаата.

Куортан быһыыны биэрии хампанньатын долгунугар 11 327 киһи хабыллыбыт, ол иһигэр 5205 оҕо, уопсайа 30 быһыыны биэрэр биригээдэ үлэлиир. Ыарыһаҕы кытары сибээстээх 10 тыһ. тахса киһи, ол иһигэр 4 тыһ. тахса оҕо баар. Сотору кэминэн эбии 15 тыһ. вакцинаны аҕалыахтара.

Куорат доруобуйа харыстабылын управлениетын бэрэстэбиитэлэ “ыарыһаҕы кытары сыһыаннаах дьон үс гыммыт биирэ быһыыны ылартан кыккыраччы аккаастанар, онон кинилэр инфекция тарҕанарыгар төһүү буолар кутталлаахтар” диир.

Куортан быһыы эрэ быыһыырын туһунан санаталар. Быһыыта суох киһи ыарыһаҕы кытары сибээстэстэҕинэ сүүс бырыһыан дьаҥҥа хаптарыан сөп.

Тарҕат:

Комментарии

Защитный код Обновить