Войти

Войти

Сааһырбыт дьоҥҥо доруобуйаларын бөҕөргөтөр тэрээһиннэр, интэриэстэринэн  дьарыктар уонна үөлээннээхтэрин кытта алтыһыы  олохторун биир саамай сүрүн оҥкула буолар.

Ол иһин “Аврора” уһун үйэлэнии киинигэр олорор усулуобуйаны тэрийии,  салалта  өйөбүлүн ирдиир  доруобуйа харыстабылын биир сүрүн хайысхата буолар диэн,  Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга   олохтоох кэмитиэтин бэрэссэдээтэлэ  Владимир Чичигинаров бэлиэтиир.

Бээтинсэҕэ пансионат өссө биир бөлөҕө, Дьокуускайтан уонна улуустартан кэлбит аҕам саастаах дьон   икки нэдиэлэлээх сезону түмүктээтилэр.  Кинилэр бу кэм устата  доруобуйаларын  туругун эрэ  буолбакка, куорат кэрэхсэбиллээх сирдэрин көрдүлэр, бэйэ-бэйэлэрин кытта билсэн доҕордоһон,   социальнай ситимҥэ бөлөх арыммыттар, ону таһынан, талааннара арыллан  музыкальнай нүөмэрдэри туруорбуттар.

“Аврора” мэдиссиинэ килииньикэтин иһинэн үлэлиир уһун үйэлэнии киинэ Дьокуускай куоракка  Островскай уулуссатын  4 дьиэтигэр баар. Билсэр төлөпүөҥҥүт: 35-19-90

4940b799 8aab 4a2f 8538 bfafdf660713

6b21acbe feb5 464f 9ed5 4dd9bd7bc215

b4968c3b 9d39 4bdc 8864 0cb3b63b87e8

yakutia24.ru/news

Тарҕат:

Комментарии

Защитный код Обновить