Куорат мээрэ Сардаана Авксентьева киин куоракка дьэллик ыттары тутарга икки ыйдаах күүрээннээх үлэни биллэрдэ. Бу туһунан кини бүгүҥҥү куорат дьаһалтатын мунньаҕар эттэ.
“Бэйдиэ сылдьар ыттарэлбээбиттэрэ куорат олохтоохторун долгутар. Ааспыт нэдиэлэтээҕи субуоккаҕа этиллэринэн, 9 ыт дьону ытырбыт, онтон биирэ –дьэллик ыт, атыттара – бары хаһаайыннаах ыттар. Онон сиэттэрэн ыттаах дьону кытары үлэ күүһүрүөн наада, дьоҥҥо саба түһүү, ыты бэйэтин эрэ күүлэйдэтэ таһаарыы тахсыа суохтаах”, - диэтэ мээр.
Сардаана Владимировна “Куорат хаһаайыстыбатын туһанар Сулууспа” МКУ салайааччытыгар Айаал Егиновка дьэлликыттары тутарга анал тырааныспары ыларга эбии харчыта буларыгар сорудахтаата.
Билиҥҥитэ, ыстатыыстыка көрдөрөрүнэн, ДьУОХХ лииньийэтинэн киирэр сайаапкалар үгүстэрэ дьэллик ыттары кытары сибээстээх. Оноуха “Жилкомервис” МУП федеральнайсокуон ирдэбилигэр эппиэттиир ыттары тутар биир эрэ массыыналаах.
“Өрҕспүүбүлүкэ бүддьүөтүттэн төһө да үп көрүллүбэтин үрдүнэн, бэйэбит харчыбытыгар куорат олохтоохторугар куттал суоһаабатын хааччыйыах тустаахпыт,ордук оҕолор, кырдьаҕастар тустарыгар кыһаныахтаахпыт”, - диэн Сардаана Владимировна тоһоҕолоото.
Аҕыйах хонуктааҕыта Мархаҕа 15 дьэллик ыты туппуттар, онтон үксэ бэйэтэ бэйдиэ сылдьар хаалтыстаах, ол бэтэр хаһаайыннаах ыттар. Кинилэри ыттары тутар Пууҥҥа аҕалбыттар, олору хаһаайыттара харчы төлөөн ылыахтаахтар. Маны таһынан, Саха сирин КоАП быһыытынан, хаһаайыттарыстырааптаналлар. Управаларга ыттаах дьону кытары үлэни күүһүрдүөхтээхтэр.
