Войти

Войти

Олунньу 15 күнүгэр SMART-бибилэтиэкэҕэ, 203-с түөлбэҕэ саҥа кыбартыыралар күлүүстэрин  туппут ыччаты кытта көрсүһүү буолла. 38 ыччат уонна дьиэ кэргэн “2018-2022 сылларга Дьокуускай куоракка тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйыы” бырагыраамманан саҥа кыбартыыралары ыллылар.

Мустубут дьон Губинскай уокурук салайааччытын эбээһинэһин толорооччу Гулжан Огонероваттан, куораттааҕы дума дьокутаата Владислав Дмитриевтан, Дьокуускайдааҕы” ИДьМ МУ старшай участковайа Леонид Лебедевтан, “Дьокуускай” УК дириэктэрэ Роман Чупинтан, 203-с түөлбэ ыстаарасталарын бэрэссэдээтэлэ Наталья Луковцеваттан интэриэһиргиир боппуруостарын ыйыттылар. Оттон ыҥырыылаах ыалдьыттар үлэлэрин-хамнастарын туһунан кэпсээтилэр. Түмүккэ Нөмүгүтээҕи килиэп оҥорор собуоттан минньигэс бэлэхтэри туттардылар.

Олох суолунан соҕотох айанныыр   киһи соҕотохсуйууну билбэтигэр кыһаллыахтаахпыт. Куорат килбэйэр киинигэр турар дьиэҕэ саҥа кыбартыыра күлүүһүн тутуу – чиэс. Хаһаайыттарга саҥа дьиэлэрэ сылаас, сырдык буоларыгар баҕарабын. Оттон биһиги куруук аттыгытыгар баар буолуохпут. Ыалдьыттата ыҥыраарын!”, – диэн Ил Түмэн дьокутаата Мария Христофорова баҕа санаатын эттэ.

Тарҕат:

Добавить комментарий