Дьокуускайга хааһына, бүддьүөт, унитарнай тэрилтэлэр, ону сэргэ оскуолалар, уһуйааннар уо.д.а. олунньу 1 күнүттэн бөҕү наардыыр буолуохтара. Ол курдук, ити тэрилтэлэр бөхтөрүн-сахтарын анал сиргэ “бу – кумааҕы”, “бу – былаастык” о.д.а. диэн мунньуохтара.
Онон сибээстээн, Дьокуускай дьаһалтатын дьаһалынан, үөһэ ахтыллыбыт тэрилтэлэр бары биир ый иһинэн бөҕү-саҕы туспа наардааһынынан, ону тиэйиинэн-таһыынан, оттон макулатураны анал тэрилтэлэргэ туттарыынан дьарыктанар үлэһити аныахтаахтар. Оттон атын тэрилтэлэр инньэ гыналлара биһирэнэр эрэ.
