Ил Дархан Айсен Николаев “самоизоляция” эрэһиимин туһунан ыйаах уларыйыыларын иһитиннэрдэ.
““Самоизоляция” эрэһиимин 65-тэн аҕа саастаах, хроническай ыарыылаах уонна атын дойдуттан эбэтэр эрэгийиэнтэн кэлбит дьон булгуччу тутуһуохтаахтар. Кинилэр бу эрэһиими кэһэр түгэннэригэр ыстарааптаныахтарын сөп”, – диэн Ил Дархан эттэ.
Санатар буоллахха, РФ административнай быраабы кэһии кодексатын 20.6.1 ыстатыйатынан, ыксаллаах быһыыга-майгыга дьиссипилиинэ быраабылатын кэһиигэ 1000-30 000 солк диэри ыстараап көрүллэр . Оттон дуоһунастаах дьоҥҥо — 10 000 - 50 000 солк, урбаанньыттарга (ИП) — 30 000 -50 000 солк, юридическай сирэйдэргэ — 100 000 - 300 000 солк.
Айсен Сергеевич РФ бэрэсидьиэнин дьаһалынан, эрэгийиэннэр икки ардыларынан сылдьар таһаҕаһы уонна дьону тиэйэр массыыналарга хааччахтааһын суох буолар диэн иһитиннэрдэ.
