Войти

Войти

Дьокуускайга Бүлүүлүүр суол 3 км турар “Юникон” маҕаһыын аттыгар  иккиһин туттуллар бөҕү (вторсырье), ол аата хордуону, кумааҕыны, былаастык иһиттэри, батарыайаны, алюминий бааҥкалары о.д.а. тутар пуун арылынна. Бу туһунан “Инстаграм” социальнай ситимҥэ @rsbor_ykt сирэйигэр суруйаллар.

Бөҕү наардаан хомуйууну тарҕатар уопсастыбаннай түмсүү @rsbor_ykt үлэлээбитэ биир эрэ сыл буолбут. Ол курдук, бөҕү хомуйууга үс аахсыйаны ыыппыттар, волонтердар сүүһүнэн лиэксийэлэри аахпыттар,  “Планета электро” уонна “Юникон” хампаанньалар салайааччыта Сергей Петров тутар пууну оҥорбут. Пилотнай бырайыагынан “Утум” салайар хампаанньа дьиэтин олохтоохторо   бөхтөрүн манна  туттараллар. Ону таһынан, “Добрые крышечки” бырайыак чэрчитинэн Покровскай куоракка олорор Алена диэн кыыска тренажор ылбыттар.

Түмсүү салайааччылара дьон айылҕа, экология туругар долгуйар, кыһаллар буоллулар диэн үөрэллэр. Ордук таҥас суумкалары, бахилалары туттар буолбуттар. Манна хомуллубут бөх атын куораттарга оҥорон таһаарар хампаанньаларга барар. Эбэтэр Дьокуускайга “Чол сир” хампаанньаҕа иккиһин оҥоһуллар.

Хаартыскаҕа салайааччылар Ирина Матвеева уонна Сергей Петров.


 

Тарҕат:

Добавить комментарий