Войти

Войти

Ыам ыйын 3 күнүгэр диэри Дьокуускайдааҕы Перинатальнай киини саптылар.

СӨ доруобуйа харыстабылын министиэристибэтэ иһитиннэрэринэн, хоту улуустан кэлбит, “COVID-19” ыалдьыбыт дьахтар төрүүр дьиэ үлэһитин кытта “контактаспыта” биллибит. Инньэ гынан, төрөөрү сылдьар дьахталлары, саҥа күн сирин көрбүт оҕолору, киин үлэһиттэрин харыстыыр сыалтан, муус устар 19-тан ыам ыйын 3 күнүгэр диэри Перинатальнай киини саптылар. Онон төрүүр дьахталары Национальнай мэдиссиинэ киинин – 1-кы №-дээх өрөспүүбүлүкэтээҕи балыыһа төрүүр дьиэтигэр ыытыахтара. Оттон эрдэ киирбит дьахталлары “Чэбдик” сонотуоруй   гинекологическай киинигэр көһөрүөхтэрэ. Онтон ыам ыйын 3-тэн 17-с күнүгэр диэри төрүүр дьахталлары киллэриэхтэрэ. Маннык уларыйыылар куоракка хоруона вируһун балаһыанньата тупсуор диэри ыытыллыаҕа.

Хоруона вируһунан ыалдьыбыт, 65 саастаах дьахтар Дьокуускайга кэлэн “самоизоляция” эрэсиимин тутуспатах. Кинини кытта “контактаспыт” дьону көрдүүр үлэ ыытыллар. Доруобуйа харыстабылын министиэристибэтэ дьон “самоизоляция” эрэсиимин булгуччу тутуһалларыгар, миэдиктэр уонна дьаһалта сүбэтин ылыналларыгар ыҥырар.

Санатар буоллахха, муус устар 19 күнүнээҕи көрдөрүүнэн, Дьокуускайга уонна алта улууска хоруона вируһун саҥа инфекциятынан 107 киһи ыалдьыбыта бэлиэтэммит.

news.ykt.ru/

Тарҕат:

Добавить комментарий