“Elite Aqua” диэн ыраас ууну таһар сулууспа (уруккута “Чистая вода”) “Инстаграм” социальнай ситимҥэ, тэрилтэ биир үлэһитэ хоруона вируһунан ыалдьыбытын туһунан иһитиннэрии таһаарбыт.
“Билигин үлэһиттэр бары хоруона вируһугар анаалыс туттараллар. “Самоизоляция” эрэсиимигэр көстүлэр. Ыарыы тарҕамматын туһугар тустаах миэрэлэр ылыллаллар. Анаалыстар түмүктэрин икки күнүнэн билиэхпит. Атын үлэһиттэр доруобай буолалларыгар эрэнэбит”, – диэн иһитиннэриигэ суруйаллар. Ордук биэнсийэлээх үлэһит доруобуйатыгар долгуйаллар уонна дьон сэрэхтээх буолуу миэрэлэрин тутуһалларыгар ыҥыраллар.
