Өрөспүүбүлүкэ күнүнэн “Сахаагропродукт” кэпэрэтиип Дьокуускайдааҕы клиническэй балыыһа пульмонологическай салаатыгар үүттэн оҥоһуллубут бородууксуйатын биэрдэ.
Бу курдук “Амма”, “Чурапчы”, “Таатта”, “Хоту”, “Сыа Бүлүү”, “Эрэл” кэпэрэтииптэр үлэһиттэрэ үрүҥ халааттаах аанньалларга сыралаах үлэлэрин иһин махталларын биллэрдилэр.
Маннык уустук кэмҥэ бэйэ-бэйэбитигэр көмөлөһүөхтээхпит. Үгүс тэрилтэлэр, дьон биир санаанан түмсүүлээх буолбуттара көрүөххэ олус үчүгэй. Хас биирдии киһи бэйэтин кылаатын киллэриэн, тугунан эмэ көмөлөһүөн баҕарара хайҕаллаах.
“Сахаагропродукт” кэпэрэтиип нэһилиэнньэҕэ ордук наадалаах бородууксуйаны оҥороругар уонна судаарыстыбаннай сыаллаах бырагыраамманы толороругар бүк эрэллээх.
