Дьокуускай куорат баһылыга Сардана Авксентьева, быйылгы Туймаада Ыһыаҕа “онлайн” быһыытынан ыытылларын туһунан “Instagram” социальнай ситимҥэ иһитиннэрдэ.
Бу быһаарыныы билиҥҥи уустук кэмҥэ аҕа саастаах дьон доруобуйатын харыстыыр сыалтан олоххо киириэҕэ. Сыл аайы Туймаада Ыһыаҕар 200 тыһ тахса киһи ыалдьыттыыр. Биллэн турар, манна дьон хоруона хамсыгар хаптарар куттала улахан. Онон быйылгы Ыһыах ураты буолара күүтүллэр. Хас биирдии дьиэ кэргэн “самоизоляцияҕа” олорон дьиэтигэр бэлиэтиэҕэ. Билигин Ыһыах “онлайн” бырагыраамматын оҥороллор. Сардана Авксентьева куорат олохтоохторуттан бырааһынньыгы хайдах ыытыахха сөбүн туһунан саҥа идиэйэлэри киллэрэллэригэр эттэ.
