Войти

Войти

2017 сылтан Мииринэйгэ учууталларга аналлаах 71 кыбартыыралаах, тоҕус этээстээх дьиэ тутуллан испитэ. Бөдөҥ панеллартан турар, туох да сүрдээх киппэ быһыылаах эбийиэк. Холлоҕоһо бүтээт тохтуурга барбыта.

Бу дьиэҕэ куорат үөрэҕириитин үлэһиттэрэ, оскуолалар учууталлара киириэхтээхтэр этэ. Бэдэрээччит “Строймонтаж 2000” тэрилтэ 2019 сыл күһүнүгэр тутууну букатыннаахтык тохтотон турар. Хаһааҥҥа диэри “тоҥоруллубута” биллибэт. Оттон бу көстөр аарыма тутуу “Армада” эргиэн киинэ буолуохтаах этэ.

armadatk

2016 сылтан тутулла сатыыр да, кыайтарбакка турар. Бэдэрээччит “Веста” тэрилтэ, былырыын үлэни сөргүтүөх буолан иһэн эмиэ иһийэн хаалла. Бүппүтэ буоллар бу туох да ааттаах киэҥ иэннээх атыы-эргиэн киинэ буолуохтааҕа. Уопсайа 14.800 кв м иэннээх. Аҥаардас 7.800 кв м иэнэ атыылыыр павильоннар буолуохтаах этилэр. Маны сэргэ 56 миэстэлээх остолобуой, 96 миэстэлээх көстүүнэй былааннаммыта. Тутуу барылын Новосибирскайдааҕы архитектура тэрилтэтэ оҥорбута. Баараҕай дьиэ силигэ сол да сиппэтэ. Түөрт төгүрүк сыл “күнү-халлааны бүөлээн” турара көрүөххэ сүөргү. Бу эбийиэктэр туран хаалбыттара, куоракка бүтүн тутуу тиһигэ күчүмэҕэйдэммитин, харгыстаммытын дьэҥкэтик туоһулуур. Онон Мииринэй куорат улугурбут тутуулара хаһан оннуларын булаллара биллибэт.

erkyyppyttere

toxtotyllybyt

Станислав Алексеев, Мииринэй куората. Ааптар хаартыскалара.

Тарҕат:

Добавить комментарий

Бүтэһик сонуннар