Войти

Войти

Дьокуускай дьаһалтата Арассыыйа күнүн көхтөөхтүк  бэлиэтииргэ ыҥырар. Хамсыгынан сибээстээн, быйыл бэс ыйын 12 күнүн тэрээһиннэрэ барыта онлайн киэбинэн ыытыллаар.

Киин куораппыт култуураҕа уонна духуобунай сайдыыга управлениета иһитиннэрбитинэн, бырааһынньыктааҕы тэрээһиннэр бэс ыйын 2-14 күнүгэр куорат уокуруктарыгар, таһынааҕы нэһилиэктэргэ ыытыллаллар. Онлайн былаһааккаларга маастар-кылаастар, кэнсиэртэр, быыстапкалар, үөрэтэр-сырдатар тэрээһиннэр ыытылла тураллар.

www.cultura14.ru  саайтка «Арассыыйаны төһө билэҕин?» онлайн-викторина ыытыллар. «Арассыыйа  — бу мин» аахсыйа @upravlenie_cultury_yakutsk Инстаграм сирэйигэр салҕанар.

Бэс ыйын 12 күнүгэр күн устата  «Триколор руками молодежи» флешмоб буолуоҕа. Онно кыттыан баҕалаахтар Инстаграмҥа Арассыыйа былааҕын  хаартыскатын таһаараллар.  @terchi_yakutsk Инстаграм сирэйигэр “Биһиги – Арассыыйа инникитэбит” төрөппүттэргэ аналлаах быһа эфир тэриллэр, манна психолог ыйытыыларга хоруйдуоҕа.

Дьокуускай уокуруктара сэргэх тэрээһиннэри бэлэмнээтилэр:

Гагаринскай уокурукка бэс ыйын 11 күнүгэр күнүс 15.00 чааска  «Мой дом – моя Россия» квиз викторина саҕаланар. 14.00 ч.- онлайн марафон  «Пою тебя, моя Россия!» (инстаграм @gagarin_culturecenter). Маны тэҥэ 14.00 ч. «Это Родина моя — Россия» бырааһынньык историятын сырдатар тэрээһин ыытыллар (инстаграм @cbssozvezdie).

Строительнай уокурукка бэс ыйын 11 күнүгэр  «Книга-03» библиотека «Наш дом — Россия» онлайн быыстапкаҕа ыҥырар (инстаграм @stroitelnyokrug). Бэс ыйын 12 күнүгэр А.Е. Кулаковскай  аатынан  Норуоттар доҕордоһууларын дьиэтэ «Пою тебя, моя Россия» онлайн-марафон тэрийэр.

Губинскай уокурук бэс ыйын 12 күнүгэр «Моя Россия!» викторина ыытар (инстаграм @uprava.gubinskiy).

Октябрьскай уокурук бэс ыйын 12 күнүгэр «Россия – Родина моя» интеллектуальнай оонньууну ыытар (инстаграм @upravaoktia).

Сайсары уокуругар бэс ыйын 12 күнүгэр 12.00 ч. «Школьный мир» бибилэтиэкэ «Обзор дня независимости России» тэрээһини ыытар (инстаграм http://www.instagram.com/p/B_CGo3aJ27P/?igshid=ou6oqy62mwbf).

Хаҥалас түөлбэтэ бэс ыйын 11 күнүгэр  11.00  ч. «Я люблю Россию»  уруһуй күрэҕин тэрийэр (инстаграм @csbbibliomir). Бэс ыйын 12 күнүгэр 10.00 ч. «Наша Родина — Россия» кинигэ быыстапката буолуоҕа. 12.00 ч. «Россия — Родина моя» онлайн-викторина (инстаграм @mikroraionkangalassy).

Маҕаҥҥа бэс ыйын  12 күнүгэр 12 ч. онлайн-викторина (инстаграм @maganskiivestnik).

Мархаҕа бэс ыйын 12 күнүгэр 11 ч. салайааччы Николай Ксенофонтов эҕэрдэлиир (инстаграм @admin_mkr_markha). 14.00 ч   «Пульс» култуура уонна сынньалаҥ киинэ бырааһынньыктааҕы видеоклип көрдөрөр. 14.00 ч. викторина уонна  «Славим Отечество» билиини хаҥатар чаас (инстаграм @dk_chechir) ыытыллар.

Тулагы-Киллэмҥэ бэс ыйын 12 күнүгэр «Мой гимн, мой флаг, моя Россия» кинигэ быыстапката (инстаграм @cbstulagino), «Моя страна — моя Россия» патриотическай ырыа күрэҕэ (инстаграм @sentrkulturyi). «Аҕам саастаах дьоммут алгыhынан» күрэх түмүктэрин таһаарыы (инстаграм @ tsentrkulturyi) буолар.

Хатаска бэс ыйын 12 күнүгэр 10 ч. «Россия – великая судьба» виртуальнай кинигэ быыстапката (инстаграм @cbskhatassy).

Тарҕат:

Добавить комментарий

Бүтэһик сонуннар