Войти

Войти

Дьокуускай куорат дьаһалтата саахаланнар туруктаах дьиэри хаарбах дьиэ испииһэгэр киллэрэр туһугар, үлэни тэтимирдээри, эбии 2 мөлүйүөн солкуобайы көрдө. Ол туһунан мээрийэ пресс-сулууспата суруйар.

“Дьиэ-уот департамена” МКУ салайааччыта Александр Новолоков кэпсээбитинэн, ити харчыны дьиэлэр атахтарын-акылааттарын чинчийиигэ туһаныахтаахтар.

“Сокуон ирдииринэн, быйыл 41 дьиэни хаарбах туруктаах диэн билиннибит. 2019 сыллаахха 197 саахалланар кутталлаах дьиэ баара. 2018 сыллаахха – 109, 2017 с. – 99 дьиэ. 2012 сыл тохсунньу 1 күнүттэн 2017 сыл тохсунньу маҥнайгы күнүгэр диэри барыта 157 дьиэ оннук туруктаах дэммитэ”, -- диир Новолоков.

Оттон Дьокуускай үрдүнэн күн бүгүн барыта 603 хаарбах дьиэ баар.     

Тарҕат:

Добавить комментарий