Войти

Войти

Дьокуускай куорат 202-с түөлбэтигэр баар сөтүөлүүр сир арылларга бэлэмнэнэр. Бу туһунан мээрийэ пресс-сулууспата иһитиннэрэр.

Быйылгыттан куораттааҕы пляһы “Городские баны” МУТ көрөр-истэр буолуоҕа. Бэс ыйын 18 күнүттэн биэрэк кытыытанааҕы тротуары өрөмүөннээн саҕалаабыттар, ону пляж арыллыытыгар бүтэриэхтэрэ. Бэҕэһээ, от ыйын 5 күнүгэр, саньытаарынай ыраастааһын түмүктэммит. Пляж түөлбэтиттэн ыраастаммыт бөҕү-сыыһы барытын тиэйбиттэр, туалеттары туруортаабыттар. Сарсын Роспотребнадзор исписэлиистэрэ пляж туругун кэлэн бэрэбиэркэлиэхтээхтэр. Маны таһынан, сарсын уу аннын чинчийиэхтэрэ. Бу нэдиэлэ бүтэһигэр куораттааҕы пляж сөтүөлээччилэргэ аанын арыйыаҕа. Бу туһунан “Городские баны” МУТ дириэктиэрэ Василий Паскачин кэпсээбит. Пляж түөлбэтин видеонан кэтээн көрүөхтэрэ, киирэр ааннар икки өттүнэн баар буолуохтара – сүрүн аан уонна 203-с түөлбэ өттүттэн.

Тарҕат:

Добавить комментарий