Харыстанар мааската суох дьону оптуобуска киллэрбэт, оттон киирбит дьону – үүрэр буолуохтара. Ол туһунан Дьокуускай куорат хамсыгы утары охсуһар суһал ыстаабар эттилэр.
“Союз Авто” дириэктэрэ Андрей Косицкай этэринэн, оптуобус суоппардара айаннаан иһэн (үлэлии олорон) хайдах даҕаны ону кэтиир, ким мааскалааҕын-суоҕун бэрэбиэркэлиир кыахтара суох. “Ол гынан баран, ГИБДД үлэһиттэрэ бэрэбиэркэ кэмигэр мааската суох киһини туттахтарына, буруйдаах суоппар эрэ буолар. Кинини эриэйсэттэн туораталлар. Онон бу боппуруоһу үөрэтиэххэ, төрдүгэр тиийэ быһаарсыахха наада”, -- диир кини.
Мунньах кыттыылаахтара атын эрэгийиэннэр холобурдарын үөрэтиэх уонна дьаһалы тута олоххо киллэриэх буоллулар.
Эбэн эттэххэ, сэтинньи 7 күнүгэр 248 оптуобус суоппарын саньытаарынай-эпидемиологическай ирдэбили тутуһарын-суоҕун бэрэбиэркэлээбиттэрэ. Ол түмүгэр 77 оптуобуһу эриэйсэттэн устубуттара.
