Бу сылларга киин куорат салалтата Дьокуускайга 12 саҥа оскуоланы тутуох буолар.
Бастатан туран, Пирогов уулуссатыгар 4-с уонна Сэргэлээхтиир суолга 34-с №-дээх анал (коррекциялыыр) оскуолалар тутуллуохтара.
Ону таһынан бу сылларга Мархаҕа кадет оскуолатын таһыгар, ДСКҕа, Чайковскай, Новопортовской, Билибин уулуссаларыгар, Хатас, Табаҕа, Маҥан, Тулагы бөһүөлэктэригэр, Севернай түөлбэҕэ эмиэ саҥа оскуолалар дьэндэһиэхтэрэ.
“Итилэри сэргэ Дьокуускайга Прометей түөлбэҕэ саҥа оскуола баар буолуоҕа. 5-с уонна 12-с нүөмэрдээх оскуолалар дьиэлэригэр сыһыарыылары тутуохтара”, - диэн иһитиннэриигэ суруйаллар.
