Войти

Войти

Мархаҕа, Нам тыраагын 13 килэмиэтиригэр баар учаастактар уулуссаларынан -быйыл гаас ситимэ киириэҕэ.

Тутуу-мантаас үлэтин уопсай төлөбүрэ бу эбийиэктэргэ – 34 мөлүйүөн кэриҥэ солкуобай буолар. Куорат былаастарынан гааһы киллэрии бырайыактыыр сметатын оҥорор документация үлэтэ үбүлэннэ, судаарыстыбыннай эспэртиисэ сөбүлэһэр түмүгэр илии баттанна.

«Саха сирин быйылгы бүддьүөтүн быһаарыыга, Дьокуускай куораты уонна куорат таһын гаастааһыҥҥа үп-харчы көрүллүөҕэ. Эрдэттэн, барыллаан көрөн эттэххэ: Мархинскай, Жатайскай, 1 – кы Жатайскай, Просторная, Студенческая уулуссалары, Просторный переулогы, Аргыс микрооройуону, Нам тыраагын 13 килэмиэтирин гаастааһын үлэлэрэ, быһа холоон 2021 сыл III кыбаарталыгар саҕаланыахтара», - диэн эттэ Айаал Егинов.

Марха микрооройуон дьаһалтата иһитиннэрэринэн, бу уулуссаларга 120 сир учаастага бэлиэтэммит, ол иһигэр элбэх чааһынай олорор дьиэ тутуллубут, саад-оҕуруот олордор табаарыстыбалар тэриллибиттэр.

Дьокуускай куорат дьаһалтатын пресс-сулууспата

Тарҕат:

Добавить комментарий