Киирии

Киирии

Халаанынан сибээстээн киин куоракка муниципальнай таһымнаах ыксаллаах быһыы-майгы балаһыанньата биллэрилиннэ. Бу туһунан куорат мээрэ Айсен Николаев уураах таһаарда. Санатар буоллахха, бэҕэһээ Владимир Пучков Саха сиригэр халаанынан сибээстээн федеральнай таһымнаах ЧС балаһыанньатын биллэрэри өйөөбүтэ.

Бөлүүн уу таһыма Табаҕа эргин биир чааска 20-25 см үрдээбит. Эргэ Табаҕаҕа сорох уһаайбаны уу ылбыт. Билигин дьону көһөрөргө усулуобуйа тэриллибит. Кангаласстан Намҥа диэри муус турар, онон харар кутталлаах. Ону эстэрэр туһата суох эбит. Уу куорат эргин киирэ турар, ол гынан баран, мээр этэринэн, киһи уолуйара суох. Куруук уу ылар Даркылааҕа бу да сырыыга барар кутталлаах. 202-с уонна 203-с түөлбэни уу ылар куттала суох. Балаһыанньа толору хонтуруолга ылыллыбыт.

Тарҕат:

Комментарии

Защитный код Обновить