Киирии

Киирии

Дьокуускай куоракка “Мөлүйүөн сибэкки” аахсыйа саҕаланна. Ол чэрчитинэн, быйыл киин куоракка уонна аттынааҕы нэһилиэктэргэ уопсайа балтараа мөлүйүөн сибэккини олордуохтара.

Аахсыйа чэрчитинэн куорат киин уулуссаларыгар, болуоссаттарга, дьон тоҕуоруһар сирдэригэр, олбуордарга 1,5 мөл. сибэккинэн симиэхтэрэ. ААхсыйа бастакы күнүгэр номнуо 45 тыһ. 710 сибэккини олортулар. Маны таһынан, олордуу хаачыстыбатыгар, харайыыга, ууну кутууга улахан болҕомто ууруллуоҕа.

Быйыл Киин уокурук 248 тыһ., Октябрьскай уокурук – 205 тыһ., Сайсарытааҕы уокурук – 174 тыһ., Бырамыысалыннай уокурук – 170 тыһ. уонна Гагаринскай уокурук 164 тыһ. сибэкки дьөрбөтүн олордор былааннаах.

Марха түөлбэтин уулуссаларыгар уонна болуоссаттарыгар 25 тыһ. сибэккини олордуохтара. Оттон Хатаска – 16 тыһ., Маҕан уонна Тулагы-Киллэм нэһилиэктэрэ – 15-тии тыһ. сибэккини үүннэриэхтэрэ.

Быйыл хаһааҥҥытааҕар да эрдэ олордубут буолан. От ыйын саҥатыгар номнуо сибээкилиэхтэрэ дииллэр.

Тарҕат:

Ырытыыгын суруй

Защитный код
Обновить