Киирии

Киирии

«Материкка» айаннааччылар арыый чэпчэки сыаналаах, табыгастаах авиахампаанньаны талар кыахтаахтар.

Күн бүгүн Мииринэйтэн Москуба, Новосибирскай, Иркутскай, Екатеринбург куораттарга айаннааччыларга, 55 сааhыттан ыла биэнсийэлээхтэргэ, инбэлииттэргэ(бастакы, иккис группа ), 23 саастарын туола илик ыччаттарга субсидиялаах авиабилет, чахчы да, улаханнык чэпчээтэ.Новосибирскайга итинник пассажирдар алта-сэттэ тыhыынча солк. барар кыахтаахтар.Мииринэйтэн «материкка» «АЛРОСА-Авиа», «Seven7», «Ангара», «Глобус» көтөллөр.«Якутия» авиахампаанньа Мииринэйтэн «СуперJET» салгын аалын хас бэнидиэнньик ахсын көтүтэр. Авиабилет сыаната 6.325 солкуобайтан 8.000 солк. диэри араастаhыылаах.Ол эрэн, биир «ноо» баар. «Мииринэй-Хабаровскай» авиарейс инникитэ, салгыы айанныыра биллибэт.Дьоллоох Дьокуускайбытыгар биhиги курдук ыраах, кытыы оройуон дьоно, «материкка» айанныыр курдук ороскуотурабыт.

Хомойуох иhин, Мииринэйтэн Дьокуускайга айанныыр авиабилет сыаната(«АЛРОСА-Авиа хампаанньа) быйыл эбии ыараата.

«Эконом-кылаас» - 19 тыhыынча 035 солк. буолла.

Биллэн турар, бу улахан охсуулаах. Дьокуускайга айанныыргар 14.350 солк сыаналаах авиабилеты булар букатын уустук.«Сахабыт сирин киинигэр барарбытыгар авиационнай билеты туох ааттаах ыаратар идэлээххитий?» диэтэххэ, МАП каассаларыгар, «АЛРОСА-Авиа» хампаанньа үлэhиттэрэ сүгүн эппиэттээбэттэр.Биир эмэ «эспиэр» эн токколооhоргун тулуйбакка:

“Туох ааттаах буоллугут! Бэл, Мииринэйтэн Удачнайдыыр авибилет 13 тыhыынча солк!” - диэн саба саҥарар.

Урут эппиттим курдук, бу боппуруоска Саха сирин салалтата, суол-иис салаатыгар эппиэттиир министиэристибэ, дьокутааттарбыт орооспоттор. Киhи да сонньуйар.Авиабилет 20 тыhыынчаны үктээри олорор, оттон онно бэл пассажирдартан ким да «чыып» да диэбэт.Оннук айылаах байбыттар дуо мииринэйдэр?!

Станислав Алексеев, Мииринэй куорат.

     

Тарҕат:

Ырытыы  

Байбал
0 Байбал 14.06.2018 06:37
Иркутскайга диэри 12 тыh. 55 саастарыттар yрдyк саастаахтарга 6-7 тыh солк. Оттон Дьокуускай тэйдэр тэйэн иhэр. Соруйан гыналлар.
Ответить
Байбал
0 Байбал 14.06.2018 06:46
Хабаровскайга урут "СуперДжет" нэдиэлэ7э 2 рейстээх этэ. Билигин -биир. Ону сабаары соруналлар. Заполняемость низкая диэн сылтахтанан. Ол оннугар Иркутскайга уонна Новосибирскайга рейстэри эбээри гыналлар.
Оттон Дьокуускайга, рейс ахсаана уруккутун курдук гынан баран, 21-25 тыh. гыныахтарын сеп. Саамай выгоднай рейс. Чугас: "Тушка", 1 чаас, "ан24" 2 чаас кетеллер... А5ыйах авиакеросин ороскуоттанар.
Ответить

Ырытыыгын суруй

Защитный код
Обновить

Бүтэһик сонуннар